1 Babad 2

1

Yakub puputra dua belas: Rubin, Simeon, Lewi, Yuda, Isaskar, Sebulun,

2

Dan, Yusup, Binyamin, Naptali, Gad, Aser.

3

Yuda putrana lima, tilu ti garwana anu jenengan Batsua urang Kanaan, nya eta Er, Onan jeung Sela. Er, anu cikal, ku sabab lampahna kacida gorengna, ku PANGERAN dicabut nyawana.

4

Dua urang deui putrana ti garwana anu jenengan Tamar (tadina mantu), nya eta Peres jeung Serah.

5

Peres puputra dua nya eta Hesron jeung Hamul.

6

Serah saderekna puputra lima nya eta Simri, Etan, Heman, Kalkol jeung Darda.

7

Akan bin Karmi salah sahiji turunan Serah nyokot barang larangan, nya eta barang jarahan keur PANGERAN, nepi ka ngabahlakeun ka urang Israil.

8

Etan puputra Asarya.

9

Hesron puputra Yerahmel, Ram jeung Kaleb.

10

Ari runtuyan ti Ram nepi ka Isai nya eta: Ram, Aminadab, Nahson (pangnyongcolangna di kaom Yuda),

11

Salmon, Boas,

12

Obed jeung Isai.

13

Isai puputra tujuh, pareleanana: Eliab, Abinadab, Syama,

14

Netanel, Radai,

15

Osem jeung Daud.

16

Putrana anu istri nya eta Seruya jeung Abigail. Seruya binti Isai puputra tilu: Abisai, Yoab, Asahel.

17

Abigail binti Isai carogean ka Yeter turunan Ismail, puputra Amasa.

18

Kaleb bin Hesron nikah ka Asuba, puputra Yeriot, awewe. Yeriot puputra tilu: Yeser, Sobab jeung Ardon.

19

Asuba tilar dunya, Kaleb nikah deui ka Eprat, tuluy puputra Hur.

20

Hur puputra Uri, ari incuna ngaranna Besalel.

21

Dina yuswa genep puluh taun Hesron nikah deui ka putra Mahir saderek Gilad, tuluy puputra Segub.

22

Segub puputra Yair. Yair nyekel dua puluh tilu kota di wewengkon Gilad.

23

Tapi wilayahna aya anu direbut ku dua raja ti karajaan Gesur jeung Aram. Genep puluh kota karebut kaasup desa Yair jeung Kenat katut kota-kota laleutik anu dareukeutna. Pribumi urang dinya kabeh turunan Mahir bapana Gilad.

24

Sanggeus Hesron pupus, Kaleb putrana nikah ka Eprat urut garwa ramana, puputra Ashur anu ngadegkeun kota Tekoa.

25

Yerahmel, putra Hesron anu cikal puputra lima: Ram cikalna, Buna, Oren, Osem jeung Ahia.

26

Ram puputra tilu: Maas, Yamin jeung Eker. Ti Atara, garwana anu saurang deui, Yerahmel puputra Onam.

27

(2:26)

28

Onam puputra dua: Samai jeung Yada. Samai puputra dua: Nadab jeung Abisur.

29

Abisur nikah ka Abihail, puputra dua: Ahban jeung Molid.

30

Nadab saderek Abisur puputra dua: Seled jeung Apaim; Seled tilar dunya jeung teu putraan.

31

Apaim puputra Yishi, Yishi puputra Sesan. Sesan puputra Ahlai.

32

Yada saderek Samai puputra dua: Yeter jeung Yonatan. Yeter tilar dunya jeung teu putraan.

33

Yonatan puputra dua: Pelet jeung Sasa. Sakitu kabehna turunan Yerahmel.

34

Sesan putrana istri wungkul, nu saurang ditikahkeun ka gandekna ngaran Yarha urang Mesir, anakna hiji ngaran Atai.

35

(2:34)

36

Runtuyan ti Atai nepi ka Elisama nya eta: Atai, Natan, Sabad,

37

Eplal, Obed,

38

Yehu, Asarya,

39

Heles, Elasa,

40

Sismai, Salum,

41

Yekamya, Elisama.

42

Putra Kaleb anu cikal, saderek Yerahmel, nya eta Mesa. Mesa puputra Sip. Sip puputra Maresa. Maresa puputra Hebron.

43

Hebron puputra opat: Korah, Tapua, Rekem jeung Sema.

44

Sema puputra Raham, Raham puputra Yorkam. Rekem saderek Sema puputra Samai,

45

Samai puputra Maon, Maon puputra Betsur.

46

Kaleb ti Epa parekanana puputra tilu: Haran, Mosa jeung Gases. Haran oge kagungan putra, ngaranna Gases.

47

(Aya hiji jalma jenengan Yahdai, puputra Regem, Yotam, Gesan, Pelet, Epa jeung Saap.)

48

Ti Maaka, parekanana anu kadua Kaleb puputra Seber jeung Tirhana.

49

Saterusna ti parekan nu eta keneh Kaleb puputra dua deui: Saap jeung Sewah; Saap ngadegkeun kota Madmana, Sewah ngadegkeun kota Makbena jeung Gibea. Putra Kaleb anu istri nya eta Aksa.

50

Anu ieu oge turunan Kaleb keneh, nya eta: Sobal, putra Hur (putra Kaleb anu cikal) ti Eprat, garwana, anu ngadegkeun Kiryat Yarim.

51

Putra Hur anu kadua nya eta Salma, anu ngadegkeun kota Betlehem. Putra Hur anu katilu nya eta Herep, anu ngadegkeun kota Bet Gader.

52

Sobal anu ngadegkeun kota Kiryat Yarim tea jadi karuhun urang Haru, anu ngeusian saparo kota Menuhot,

53

oge jadi karuhun warga-warga anu maratuh di Kiryat Yarim, nya eta urang Yitri, urang Puti, urang Suma jeung urang Misra. (Aya oge jalma-jalma ti eta warga-warga anu maratuh di kota Sora jeung Estaol.)

54

Salma, anu ngadegkeun kota Betlehem tea jadi karuhun urang Netopa, urang Atrot Bet Yoab jeung urang Sori, nya eta salah sahiji kaom ti dua kaom anu maratuhna di Manahat.

55

(Aya anu maratuhna di kota Yabes, nya eta: urang Tira, urang Simat jeung urang Sukat, kabeh kaasup bangsa Keni anu pacorok jodo jeung urang Rekab, tur kabeh jalma-jalma ahli kana tulas-tulis jeung ahli nyutat.)

alkitab.me